Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
ЕДИНСТВЕН ЛЕК ДА СЕ ОЗДРАВЕ ОД КОМУНИЗМОТ Е ЛУСТРАЦИЈАТА
Author Message
ЈорданПетровски Online
ЈорданПетровски-ЦРНИ
*****

Posts: 14,874
Joined: Mar 2010
Reputation: 36
#1

Quote:Јас, комунистка

(прв дел)
Posted by Марјан Попески on 20 август, 2011

Quote:„Кога болеста е смртна, тогаш смртта е лек (португалска поговорка).“

Русија ја примени ова поговорка за комунизмот и се спаси и денес е повторно голема.
Чешка дури и донесе закон со кој што го прогласи комунизмот за злосторнички и денес е водечка земја од поранешните комунистички земји. Се сеќавате на оној гуру за економија Џефри Сакс?Јанша во Словенечкиот парламент го цитираше, укажувајќи дека Чешка според Сакс оздравела од комунизмот, бидејќи прва направила лустрација и се ослободила од комунизмот.
Меѓутоа, Мирка Велиновска и денес тврди дека е комунистка(на една телевизиска емисија сама изјави дека е „комуњара“) и дејствува во склад со тоа.

Quote:„Тешко на оној болен кој верува дека е здрав (италијанска поговорка).“

Доколку Велиновска верува дека е здрава(а не е, боледува од комунизам), тешко неа. Ова лична жртва е прифатлива, бидејќи е нејзин избор.
Но кога болен човек од комунизам ќе го советува Македонскиот народ, тогаш тешко на тој народ. Сите совети се нездрави и народот може да се разболи.
Иако над 90% од државјаните на Македонија сакаат во ЕУ и НАТО, Велиновска упорно и упорно советува против ова желба. Нема никаков успех, што значи државјаните не се болни од комунизам, но нејзиното постојано повторување на комунистичките нездрави совети, ме натера да делувам превентивно. Имено, таа го користи еристичкиот трик argumentum ad nauseam(аргумент до повраќање), при што после илјада пати повторени комунистички симптоми, народот може да помисли дека тоа е здравје, а не  болест. Еве опис на овој еристички трик на словенеките професори д-р Брегант и д-р Везјак:„Понекогаш соговорникот го повторува своето тврдење до изнемоштеност, се разбира, не поради тоа што во него е многу убеден. Тактиката е мизерна, ама неверојатно ефикасна, доколку има кондиција и доколку има наивна публика. Смета на следното:доколку на неговите погрешни тврдења не му одговараме повеќе, доколку не го отфрламе повеќе, ќе се прогласи себеси за победник во расправата. Од фактот што никој повеќе нема да го отфрла, ќе заклучи дека неговото тврдење е вистинито.
Патот дотаму е долг и повраќањето се однесува на нашата реакција и отпор, на кој што смета. Во основа реторичкиот трик е едноставен и темели на бесконечно повторување(argumentum ad infinitum) на истиот. Од самиот факт, дека некој го повторува своето погрешно тврдење, сепак не произлегува, дека тој е нешто повистинит. Особено не, доколку тоа го прави, откако веќе бил одбиен и сега се надева, дека тврдењето со повторувањето ќе стане важечко(“Zmote in napake v argumentaciji, Vodič po slabi argumentaciji v družbenem vsakdanu”, Subkulturni azil, Maribor, 2007, str.99,превел М.П.).“


Quote:„Поговорката доаѓа од разумот, а разумот од поговорката (чешка поговорка).“


Разумно е Владата да донесе закон со кој што ќе го прогласи комунизмот за злосторнички режим, како што направи Чешка. Вака, државјаните со право ќе сметаат дека Велиновска го говори она што Владата го мисли, бидејќи опозицијата ја смета за наклонета на Владата.
Значи, државјаните со право ќе сметаат дека Владата е болна од комунизам. Во ситуација кога имаме наследници на ортодоксните комунисти во партијата СДСМ, уште една комунистичка партија(и тоа на власт) е премногу, дури и за една Македонија, која што не боледува од комунизам. Може да се разболи.
„А имаше еднаш закон во Македонија, маж кој што не убил ниеден непријател, да мора да носи огламник на глава… (Aristotel, “Politika”, Globus, Zagreb, 1988, sedma glava, превел М.П.).“
Македонци!Има ли поголем непријател од болеста комунизам за Македонија?
Има ли Македонец во парламентот што има храброст да предложи закон со кој што болеста комунизам ќе се упокои во Македонија?
Текстовите на Велиновска се симптоми на болеста комунизам, кои што можат да се третираат само палијативно(до упокојувањето на комунизмот). Да го земеме за пример претпоследниот текст на Велиновска „Нов Армагедон за Европа“. Таа уште во насловот прави опсана махинација, која што Шопенхауер(„Еристичка дијалектика“) ја квалификува како еристички трик број 26.
Имено, овој трик се употребува кога аргументот што сака да го употреби противникот, подобро може да се употреби против него. На пример противникот вели:„Тоа е дете, затоа мора со него поблаго да се постапува. “Реторзија:„Баш затоа што е дете, мораме строго да го воспитуваме, за да не му се всадат лошите навики.“
Така и насловот на Велиновска како аргумент, може подобро да се употрби против неа. Поимот „Армагедон“ е последна битка помеѓу Господ и Сатаната. Значи, според Велиновска;Европа е Сатана, а нејзиниот Комунизам е Господ. Меѓутоа, како што кажав, комунизмот е веќе упокоен како Сатана(Русија, Чешка и цел комунистички свет…), така да аргументот Армагедон може подобро да се употреби против Велиновска. А Европа е таа што го упокои комунизмот, што ќе рече Европа е Господ, а комунизмот е Сатаната.
Велиновска во текстот му пркоси на правното начело Si duo faciunt idem non est idem(Кога двајца ќе сторат исто, не е исто):„Значи, од неодамна, по настаните во Велика Британија и заседанието на британскиот парламент, цел свет знае дека она што важи за Британците не важи за Арапите и Балканците.“
Е па не важи.Кога двајца британски полицајци силно удираат со гумени палки опасен насилник кој дава отпор при апсење и кога двајца опасни криминалци удираат британски пензионер со исти такви палки, за да го  совладаат неговиот отпор и да извршат  кражба не е исто.
До вакви погрешни заклучоци се доаѓа секогаш, кога се заклучува од последицата кон причината, како што прави Велиновска.
Велиновска го применува успешно еристичкиот трик број 23(Шопенхауер, „Еристичка дијалектика“) во следниот комунистички симптом од нејзиниот текст:„Многу е незгодно кога на довчерашниот светски авторитет ќе му падне чаламот. “Велиновска во својата долгогодишна препирка со своите сопартијци од СДСМ, ги натера тие да ја глорифицираат ЕУ и НАТО, што се разбира е сосема неосновано. ЕУ и НАТО се само најдобри решенија моментално за Македонија, но се далеку од идеални. Значи, нејзините сопартијци го проширија своето тврдење за ЕУ и НАТО над вистината и стрпливата Велиновска, сега успешно ги побива тие претерувања на СДСМ. Меѓутоа, судијата(народот) заборавил дека Велиновска ги побива претерувањата, а не вистинитото тврдење дека ЕУ и НАТО се најдобри решенија за Македонија и почнува да верува дека Велиновска ги побила вистинитите тврдења дека ЕУ и НАТ се најдобрите решенија за Македонија, а не претерувањата на нејзините сопартијци од СДСМ за ЕУ и НАТО.
Од последново мое тврдење можете основано да заклучите дека улогата на наследниците на комунистите(СДСМ) е да ја компромитира западната демократија, а ортодоксните комунисти на чело со Велиновска да поентираат против западната демократија. Кога доволно ќе ја искомпромитираат западната демократија, со здружени сили ќе ни го понудат стриот вампир, комунизмот.
Одредени евробирократи се невнимателни, други неинтелигентни па не внимаваат на своите изјави кога ја опишуваат ЕУ и нејзините цели. Велиновска тоа вешто го регистрира и со еристичкиот  трик 25(Шопенхауер, „Еристичка дијалектика), ствара привид дека побила одредени ставови на ЕУ. Суштината на овој трик е што некој изјавува нешто, без претходно макотрпно и стрпливо да истражува. Така на пример изјавата дека сите преживари имаат рогови изгледа вистинита, но со еден збор може да се побие. Камила. Така стрпливата Велиновска ги начека неинтелигентните евробирократи со Норвежанецот, кој што уби стотина млади луѓе. Кој ќе им верува сега на претставниците на ЕУ дека се ненасилни и со демократски методи ги решаваат конфликтите во општеството? Кој ќе се сети дека комунистите на Тито извршиле најголемо прогонство по војната во Европа и според Дедиер низ Голи оток поминале 32.000 луѓе, а околу 2000 не се вратиле. Кој ќе се сети дека комунистичките водачи на СФРЈ ликвидацијата ја сметале за сосема легитимно средство и по Европа, Америка, Канада и Австралија испоубиле стотина луѓе, без обвинение, без судење.
Многу е опасен ентимемот на Велиновска за кредитниот рејтинг на САД: „…и така да обезбедат континуитет на времето кога САД и ЕУ имаа ААА+ кредитен и политички рејтинг и жареа и палеа низ светот како загадочна `меѓународна заедница`. “Овој ентимем е производ на една агенција која и го намали рејтингот на САД. Но, Велиновска не ни кажува дека против ова агенција се води истрага. Дека во САД се наоѓаат скоро половина од свестските резерви на злато. Дека САД и ЕУ имаат просек околу 20.000,00 евра БДП по глава на жител, а Македонија околу 2.000,00 евра. Овие две величини се неспоредливи, а таа дрско му свири реквием на Западот. Абсурд.
На крајот од својот текст, Велиновска го исфрла најопасниот комунистички симптом, односно еристичкиот трик број 35(Шопенхауер, „Еристичка дијалектика“). Овој трик се вика „Фати го дрвото за корен“. Шопенхауер вели дека успехот на овој трик е загарантиран, бидејќи им се обраќа на интересите на слушателите. Шопенхауер го дава примерот со свештеникот кој брани една филозофска догма. Му даваме до знаење дека таа е во непосредна спротивност со основната догма на неговата црква и тој го напушта своето тврдење како вжештено железо.
Така и Велиновска прашува:„Ќе влегуваме ли  во тоа друштво?“, убедена дека доволно го испердашила(со нејзин речник) Западот.
Но, после разобличувањето на нејзините еристички трикови со овој мој текст, одговорот и не е  толку тежок, колку што нејзе и се чини. Таа очекува публиката да и поверува дека Западот само што не се распаднал и дека е спротивно на интересите на Македонија да влезе во такво друштво, зашто и таа ќе пропадне со Западот. Значи, го фаќа дрвото за корен, односно го плаши народот со пропаст на гнилиот Запад. Исто, како и во ѕвездените мигови на комунизмот, Велиновска вели:„Америка и Енглеска, биќе земље пролетерске“. Многу неоригинално и бајато.
Продолжува…


МАРЈАН.МК
06-09-2018, 03:14 AM
Reply
ЈорданПетровски Online
ЈорданПетровски-ЦРНИ
*****

Posts: 14,874
Joined: Mar 2010
Reputation: 36
#2

Quote: [Image: logo.png]


Јас, комунистка
(втор дел)
Posted by Марјан Попески on 21 август, 2011

До неодамна имаше таа многу поубав трик „Фати го дрвото за корен“, тврдејќи дека името е цена за членство во ЕУ и НАТО, ама откако ја фати дијаспората на дело со „прекарот“ за Македонија, го напушти ова тврдење.
Дека СДСМ и Велиновска играат за иста цел(болеста комунизам), говори и трикот лажна дилема(англиски false dilemma). Описот на овој трик изгледа вака:две можности прикажуваме како единствени кои што можеме да ги избереме, иако во стварност ги има повеќе. Пример може да биде:или си со мене, или си против мене. Варијанта од ова дилема е она што го пласира СДСМ:„Или ќе станеме членка на ЕУ и НАТО, или ќе пропаднеме. “Ова лажна дилема, многу лесно ја побива Велиновска со својот текст, бидејќи и ЕУ и НАТО имаат многу проблеми, а Велиновска ги слика со хиперболи. Освен тоа, постои и трета можност.
Но, доколку се постави дилема:или членство во ЕУ и НАТО, или застој во демократизацијата на Македонија, тогаш Велиновска има проблем да ја уништи ова вистинска дилема.
Мене, не може да ми се префрли дека околу 70% од граѓаните не сакаат влез во ЕУ и НАТО со променето име, бидејќи и самиот спаѓам во нив. Од друга страна, покрај Јанев сум втор што направил правен силогизам како Македонија да стане членка на ЕУ и НАТО без да го промени името. Но, Владата и Велиновска, не сакаат да го применат. Повеќе сакаат да кукаат, особено Велиновска.
Меѓутоа и за кукањето има лек:
„Во стварност, ние долго кукаме или се жалиме, само тогаш, кога ќе се понадеваме дека со тоа ќе делуваме на други, или самите себе ќе се поттикнуваме на невиден напор.Но и децата и возрасните добро знаат како да се задоволат, штом јасно ќе увидат дека стварите се онакви, какви што се…(Шопенхауер, „Светот како волја и претстав“, прв том).“
На ова голема премиса, одлично одговара однесувањето на Владата. Како што фатени слонови, со денови се борат и беснеат, се додека не увидат дека тоа не води кон ништо и тогаш наеднаш спокојно го подметнуваат вратот, така и Владата по Букурешт беснееше и вложи тужба за исполнување на Привремената согласност, а сега, кога виде дека тоа беснеење со тужбата никаде не води, кротко ја подава главата за „прекарот“ што го подготвува Велиновска.
Уште не е  доцна. Наместо слоновско беснеење, она што го предложив во колумната „Последна шанса за одбрана на името“.
Невозможно е да не се сеќавате на Јуруј Густинчич. Беше, според многумина, најдобриот новинар во СФРЈ. Беше допсиник од Лондон и Њујорк, а пишуваше и за најугледниот неделник НИН. Ортодоксен комунист, како и Велиновска, но Велиновска не му беше ни до колена. Татко му на Голи оток, брат му излегува од партија уште за време на СФРЈ, но тој и денес  си е комунист. Годинава наполни деведесет години, но уште работи за телевизија Словенија и пишува колумни за најпродаваниот неделник во Словенија.
Дури и овој најпознат комунистички новинар во својата колумна „Јас, комунист“, за комунизмот говори само во минато време. Најдалеку оди со изјавата дека не треба да се срамат бившите комунисти. Но, признава дека сите се срамат во Словенија.
Кога би знаел македонски, не само што би се утешил со текстовите на Велиновска, туку би помислил дека овој вампир(комунизмот) има свој замок во Македонија и редовно им ја пие крвта на Македонците.
Толку се сожалив на следното ламентирање над комунизмот на Густинчич, што помислив да му преведам неколку текстови на Велиновска, со број на кликнувања, како и со позитивни коментари:
„Навистина, откако ја нема `партијата`, се чини како никогаш да ја немало. Бројни нејзини, некогаш активни членови одат наоколу како идеолошки свежо бојадисани месечари. Луѓе без минато. Или пак, за тоа минато зборуваат таинствено.
Партија?Во неа, во најдобар случај залутале. Не, не биле долго… Кај нас има  дури и странка за која што други мораат да кажат, дека е наследничка на партијата. Сама тоа никогаш не го вели(http://www.mladina.si/tednik/200238/clanek/jurij38/, превел М.П.).“
Но, Густинчич не би бил најголем, доколку и денес не отиде чекор пред сите. Тој за разлика од Велиновска, која што го довикува вампирот(комунизмот), тврди дека тој успешно се размножил. Не, туку дека:„Европа, едноставно е преполна со бивши комунисти, кои што енергично и надарено го длабат патот за глобалниот капитализам и тука и таму, јавноста весело ја потсетуваат, дека глобализмот во стварност прв го опишал Маркс во Комунистичкиот манифест(истата колумна, горната референца).“
Од цитатот на најголемиот комунистички новинар во СФРЈ произлегува дека Велиновска многу назадувала, или поточно останала во минатото. Според комунистот Густинчич;глобализмот е на Маркас, а ЕУ ја водат комунисти.
И?Што правиме сега госпоѓо Велиновска. Вие тврдите дека Западот е гнил и кај и да е ќе даде душа, а најголемиот комунистички новинар вели дека глобализмот бил марксизам и дека Западот е цврсто в седло, затоа што го водат комунисти.
Меѓутоа, не е само Западот, не е само името, не е само обрзованието, не е само економијата. Велиновска знае се и пишува за се и доколку ги читате само нејзините текстови, добивате впечаток, дека таа ја води државата.


Quote:„По стрмен, каменлив и нерамен пат
шест коњи в горештина, ко секојпат
ја влечеа поштенската кола по нагорнината.
Слегоа сите:мажи, жени и попот здрав,
зашто крцкаа тркалата покриени со прав.
И долета една мува во горештината
и со брмчење почна тие коњи добри
да ги апе, мислејќи дека ги бодри
и дека таа тркалата ги движи,
кацна врз носот на коларот полн со грижи;
и кога колата не запре,
а патниците си врвеа напред,
мувата на себе си ја припиша таа слава.
Скока ваму, скока таму, фрчи, прета,
како сержантот кој во бојот лета,
борците ги сили, за победа да дадат и глава.
Но, во општата несреќа, во таа драма,
мувата се жали дека дејствува сама,
дека на коњите не им помага никој,
попот, глеј, во требник чита стихој,
а една дама пее со весел глас,
божем за песни е време во тој тежок час!
Тогаш и таа својот глас го дигна
и во ушите на патниците почна да дува.
И кога по многу труд колата на врвот стигна:
`Да здивнеме најпосле-рече гордата мува-
со мака ја дотерав горе вашата спрега,
еј, господа коњи, па платете ми сега.`
Многу луѓе така во трудот наш
се мешаат непоканети и глуви,
но тие здодевни, ко досадни муви,
треба да се тераат секогаш (Лафонтен, „Басни“, Поштенската кола и мувата, Матица македонска, Скопје, 2002).“
06-09-2018, 03:17 AM
Reply