Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 1 Vote(s) - 5 Average
  • 1
  • 2
  • 3
  • 4
  • 5
Македонските медии за България
Author Message
Топорчо Offline
Posting Freak
*****

Posts: 1,000
Joined: Jul 2011
Reputation: 9

Бугарите во Втората светска војна се фашисти и окупатори

„Освоената Грција се подели на три зони: германската (Крит, Атика, некои острови од Егејот и поголемиот дел од Македонија), бугарската (делови од источна Македонија и Тракија) и италијанската (преостанатиот дел од Грција). Во источна Македонија политиката на бугаризација што се обидоа да ја спроведат бугарските фашисти предизвика бунт на Грците, кој заврши со масовни убиства“, пишува во гимназискиот грчки учебник за трета година




Офицери на бугарската армија во Втората светска војна

Грчки учебници по историја

Кога двајца озборуваат некој трет, вообичаено е да не си кажат што всушност мислат еден за друг. Тоа можеме да го видиме и во разговорите меѓу Грција и Бугарија на тема - колку лош сосед им е Македонија и на двете. Навистина е тешко да се претпостави дали грчките челници се сеќаваат на часовите по историја во основно и во средно училиште, додека ги слушаат бугарските колеги како им се жалат за тоа дека во нашата земја Бугарите се нарекувале фашистички окупатори кога се зборувало за периодот на Втората светска војна. Бугарскиот државен врв, почнувајќи од премиерот Бојко Борисов, преку министерот за надворешни работи Николај Младенов, па сѐ до претседателот Росен Плевнелиев, се радуваат на погледите полни со разбирање што им ги упатуваат грчките соговорници.

Но ако премиерот на Грција, Андонис Самарас, или министерот Димитрис Аврамопулос не можат да се присетат на своите училишни денови, можат многу лесно да проверат што нивната влада им дава на грчките деца да учат за Втората светска војна и за бугарското учество во неа. А таму, изненадување, и за Грците, Бугарија била фашистичка и окупаторска земја.

НЕ СЕ ШТЕДИ НА ЗБОРОТ „ОКУПАЦИЈА“

На пример, во гимназиските учебници за трета година (гимназиите во Грција се втор од трите степени предуниверзитетско образование, што значи дека овие деца се на 14 или 15-годишна возраст), на 132-та страница се наоѓа лекцијата со наслов „Окупација, отпор и ослободување“. Особено интересен е делот каде што е опишана поделбата на грчката држава во текот на војната.

„Освоената Грција се подели на три зони: германската (Крит, Атика, некои острови од Егејот и поголемиот дел од Македонија), бугарската (делови од источна Македонија и Тракија) и италијанската (преостанатиот дел од Грција). Во источна Македонија политиката на бугаризација што се обидоа да ја спроведат бугарските фашисти предизвика бунт на Грците, кој заврши со масовни убиства“, пишува во книгата.

Дали треба друг доказ дека за Грција, Бугарите во Втората светска војна биле окупатори? И дали досега некој во Бугарија кренал врева околу ова? Далеку било. Си молчат.

Ниту на помладите ученици во Грција не им се сервираат попријатни приказни за соседите.
Шестоодделенците (10-11 години), исто така, учат дека земјата им била окупирана од три земји, меѓу кои и Бугарија, во делот насловен „Една деценија борби и жртви за слободата (1941-1949), на 213-та страница.
„Германците штом ја освоија Грција, ги зaдржаа Атина, Централна Македонија, Крит и железничката линија, на сојузниците и на Бугарите им доделија делови од Македонија и од Тракија, и преостанатиот дел на Италијанците. Периодот на тројната окупација беше почеток на големо искушение за грчкиот народ. Особено во првата зима, 1941-1942 г., гладот го измачуваше населението во големите градови“, пишува во овој учебник.

Таква е грчката историја за овој период од животот на грчката држава. А, сепак, официјална Софија и бугарското општество не реагирале досега на ваквите ставови. Зошто тогаш вреват кога станува збор за нашата историја? Очигледно не за да ја докажат нивната историска вистина. Нешто друго им пречи.
Од друга страна, доколку се погледнат бугарските учебници по историја, ќе се најде понекој збор и за грчката улога кога станува збор за Македонија. Тие зборови што ги учат бугарските деца се сосема различни од тие што им се пласираат на грчките. Така, во бугарскиот учебник по историја и цивилизација за 11 клас, во одделот „Бугарија за време на Балканските војни“, меѓу другото, стои:

„Грчките воени власти ставаат рака врз поголемиот дел од Егејска Македонија... Насекаде, окупациските власти (грчки и српски во вардарскиот дел, н.з.) го подготвуваат доаѓањето на српската и на грчката цивилна администрација...“


Бугарскиот цар Борис (десно) со министерот за одбрана на Бугарија во 1941 година

Следејќи го ова, излегува дека Грците и Бугарите имаат сериозен историски спор, кој до денес не е решен, и кој може да се види во нивната образовна програма. За Бугарите, Грците се окупатори на Егејска Македонија, а Грците себеси се сметаат за ослободители на тој дел во 1912 година и затоа, пак, ги сметаат Бугарите за окупатори во 1941 година. Сепак, и покрај овие спротивставености, никому ниту во Атина ниту во Софија не му паднало на памет да ја обвини другата држава дека ја краде и фалсификува историјата. А и двете држави ја обвинуваат Република Македонија токму за тоа.

Ако се продолжи со читање на бугарскиот учебник, тогаш во делот за Втората светска војна ќе се види дека тие себеси не се сметаат за освојувачи, туку за страна на која ѝ биле вратени нејзини територии откако Германија, на чело со Адолф Хитлер, ги освоила Југославија и Грција.

„Во април 1941 година, кога валјакот на германската агресија ги прегазува Југославија и Грција, направен е значителен чекор напред во насока на националното обединување. На Бугарија ѝ се вратени Моравската област (со градовите Пирот, Сурдулица и Врања) и источниот дел од Вардарска Македонија.
Откако Грција капитулира, на Бугарија ѝ е вратен мал беломорски дел. Бугарската држава го добива источниот дел од Егејска Македонија и поголемиот дел од западна Тракија со островите Тасос и Самотраки. Другите територии од Егејска Македонија и Беломорјето остануваат под германска и италијанска окупација. Пропагандата му дава титула на царот Борис Трети како цар-обединител, но во територијална и етничка смисла обединувањето останува незавршено. Во ‘новите земји‘ се воспоставува бугарска воена и граѓанска администрација само до крајот на војната“, се вели во бугарскиот учебник.

ФИЛМОТ ПОВАЖЕН ОД УЧЕБНИКОТ

„Трето полувреме“, како што е добро познато, е игран филм. Исто така е познато дека играните филмови како форма немаат никакви обврски кон реалноста или кон историската вистина. Документарците се тие што мора да се базираат на факти, а кога се филмовите во прашање, нема ништо спорно ако некој сними филм според чија содржина Наполеон Бонапарта никогаш не постоел, или во кој британскиот монарх е мутиран диносаурус што го предводи своето кралство во борба против суштества од други планети. Дури и во биографските филмови се сретнуваат фикција, невистинити случки, преувеличувања и слично. Затоа е многу тешко да се поверува дека Бугарија направи меѓународен проблем само затоа што не ѝ се допаднало како била прикажана во филм снимен во Македонија (ѝ беше припишан фашистички карактер во текот на Втората светска војна). Уште повеќе што бугарската држава го користеше „Трето полувреме“ за да „докаже“ дека Македонија ја искривува историјата и поради тоа не е добар сосед. Точно се знае на чија страна се борела Бугарија во таа војна, што може да се види и од македонските, и од грчките, и од бугарските учебници. Но и без разлика на тоа, дури и да има некакви преувеличувања, тоа е само филм.

Учебник по историја, од друга страна, е многу сериозна работа. Од него се образоваат децата во основните и во средните училишта, па затоа е неопходно тој многу доследно да се придржува до утврдените факти. А токму во нив грчките ученици на 14 или 15-годишна возраст учат за нивните соседи и партнери во НАТО и во Европската Унија, Бугарите, дека како фашисти вршеле бугаризација на територијата што ја окупирале од нив. Значи, терминот „бугарски фашисти“ сосема нормално се употребува во грчките гимназии (кои се втор од трите степени предуниверзитетско образование). Но се чини дека тоа воопшто не го загрижува бугарскиот претседател Росен Плевнелиев, ниту приближно како кога бугарски фашизам ќе се прикаже во обичен филм, но во Македонија. Како што никој во Грција не е загрижен што бугарските деца учат дека Грција во 1912 година е окупатор на Егејска Македонија.


Споменикот во Драма за прогонетите Евреи


Автор: Гоце Трпковски

http://www.novamakedonija.com.mk/NewsDet...setIzdanie
Без Ботев няма България
31-01-2013, 03:36 PM
Reply


Messages In This Thread
RE: Македонските медии за България - by Топорчо - 31-01-2013, 03:36 PM