Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 1 Vote(s) - 5 Average
  • 1
  • 2
  • 3
  • 4
  • 5
Македонските медии за България
Author Message
Топорчо Offline
Posting Freak
*****

Posts: 1,000
Joined: Jul 2011
Reputation: 9

Бугарија е членка на ЕУ и на НАТО, но не може да ја негира историјата

Властите во Бугарија и по две години не одговараат на забелешките за Спогодбата за добрососедски односи. Софија инсистира добрососедските односи да се градат врз основа на фактот дека Бугарија е членка на Европската Унија и на НАТО, а Македонија е земја со стратегиска цел за членство во овие организации




Република Бугарија нема намера да се откаже од борбата да докаже дека за време на Втората светска војна не била окупатор и дека уште помалку извршила прогон на македонските Евреи, особено не по долгоочекуваната премиера на играниот филм на Дарко Митревски „Трето полувреме“, во кој, меѓу другото, е прикажан и прогонот на македонските Евреи од страна на бугарската војска во тоа време.

За таа цел во почетокот на октомври во Софија ќе се одржи научна конференција на која ќе учествуваат видни македонски и бугарски историчари и ќе расправаат на тема „Евреите од Македонија и холокаустот“.

Ако не беше филмот на Митревски, можеби Бугарија немаше да го зголеми притисокот и жестоко да реагира дека Македонија упорно шири говор на омраза и дека континуирано ги дискриминира Бугарите во Македонија (судскиот случај со Спаска Митрова и писмото на Бугарскиот културен центар до известувачот за Македонија во Европскиот парламент, Ричард Ховит) и дека всушност Македонците не сакаат да признаат оти имаат ист корен со Бугарите, кој, како што тврди Бугарија, насилно бил прекинат од „големата политика“, веднаш по завршувањето на Втората светска војна.

Ваквите реакции на Бугарија доаѓаат и во време кога бугарската влада мака мачи како да ги измазни односите со Израел, особено по терористичкиот напад во туристичкиот центар Бургас во кој загинаа израелски туристи во јули годинава.

Случајно или намерно, премиерата на филмот се одржа во пресрет на празникот на Евреите, Рош Хашана, на 15 септември, во рамките на фестивалот на филмската камера „Браќа Манаки“ во Битола.

Митревски веќе неколку пати изјави дека целта на филмот не е да се навреди Бугарија, особено не бугарскиот народ, туку тоа е вистинска приказна што мора да се раскаже.

- Целта на таа фама во Бугарија не беше да се критикува филмот, туку целта беше овој филм да не се појави. Се правеа опструкции во Европскиот парламент, обиди кај чешката влада да ги стопира парите, 11 месеци бев плукан во нивните медиуми и наоѓав делови од интервјуа што никогаш не сум ги дал, како реченици во кои јас зборувам против бугарскиот народ, нешто што никогаш во животот не би го изговорил. Во таа голема кампања имаше сѐ освен факти. Не слушнавме никој да проговори со податоци, кои се лесно достапни. За мене таа приказна денес завршува - изјави Митревски по повод премиерата на филмот, покажувајќи куп архивски документи за улогата на Бугарија во почетокот на 1940-тите и за тоа по чиј налог биле собрани од своите домови 7.200 македонски Евреи на 11 март 1943 година и депортирани во логорот „Треблинка“.

Двата јазици се од иста фамилија, македонскиот е посебен

Иако Бугарија ја призна Македонија како држава под уставното име, сепак за официјална Софија нема Македонци во Бугарија, а за нив спорен е и јазикот, за кој тврдат дека е дијалект на бугарскиот јазик.
Универзитетскиот професор Људмил Спасов остро се спротивставува на ваквото тврдење и вели дека македонскиот јазик има апсолутно своја посебност и во историска и во дијалектичка смисла, сеедно што и македонскиот и бугарскиот јазик потекнуваат од јужнословенската фамилија јазици.

- Точно е дека низ историјата имаме и заеднички моменти со Бугарија, но заеднички моменти имаме и со Србите, на пример. Што се однесува до македонскиот јазик, ние со Бугарија нема што да се договараме. Можеби може да се договориме да не се напаѓаме, но тие нас нѐ напаѓаат, а не ние нив. Од оваа група јазици се и рускиот и белорускиот и украинскиот, но тоа не значи дека македонскиот јазик нема своја посебност - вели Спасов.

Професорката Тамара Ќупева вели дека сличности помеѓу двата јазици постојат, но со текот на времето и бугарскиот и македонскиот јазик добиле свои автентични белези. Сличностите на источномакедонскиот дијалект со бугарскиот јазик, објаснува Ќупева, се само поради географската близина и мешањето на двата народи на тој простор. Според неа, ако беа исти, тогаш и другите дијалекти на македонскиот јазик ќе беа слични со бугарскиот јазик.

- Разлики во двата јазици има и лексички и граматички. Така, во македонскиот јазик нема падежи, и со текот на времето јазикот се разложил на предлози и именки. Дијалектите во македонскиот јазик се автентични, а во нашиот јазик го нема и полугласот што е карактеристичен за бугарскиот јазик - вели Ќупева.

Ни Срби, ни Грци, ни Бугари

Речиси во истиот период Комисијата за надворешна политика на Европскиот парламент по предлог на бугарскиот европратеник Евгениј Кирилов поддржа формирање заедничка комисија на историчари од Македонија и од Бугарија, која би ги прочистила учебниците по историја што се користат во македонските училишта, бидејќи, според Кирилов, погрешно ги воспитувале младите македонски генерации.
Официјалните бугарски власти го оценија филмот како „ширење говор на омраза“.

Директорот на Македонскиот институт за национална историја Тодор Чепреганов, кој ќе учествува на конференцијата во Бугарија, вели дека секој има право да ја пишува својата историја, која, меѓу другото, се занимава и со толкување на настаните од минатото. Сепак, според Чепреганов, Македонија никако не може да се согласи дека Бугарија не била окупатор затоа што за тоа говорат историските факти.

- Бугарите сметаат дека во Македонија живеат Бугари и затоа себеси се сметаат за ослободители. Но кога бевме на чествувањето на гробот на Гоце Делчев на кој имаше делегации и од Европа и од Бугарија, како и Македонци што живеат во Бугарија, бугарската делегација им призна на странците дека во нивната земја живеат Македонци, но дека нивната политика не ги признава - објаснува Чепреганов.

Пропагандата на црквите ги „определи“ Македонците

Според него, прирачникот што пред неколку години заеднички го издадоа македонски, албански и бугарски историчари е чекор напред во решавањето на отворените прашања, но никако не може да биде конечно решение.

- Во тој прирачник историчарите од трите земји за исти историски настани презентираа свои и различни документи, без притоа да се даде какво било толкување или заклучок. Со тоа сакавме на сите што ќе го користат, особено на учениците, да им оставиме сами да си донесат свои заклучоци што се случило во периодот од 1940 до 2000 година - вели Чепреганов.

И во последните отворени архивски документи, за улогата на Бугарија во судбината на Македонија фактите говорат поинаку. Последни од низата достапни за научната јавност се дипломатските документи на романските конзули во Македонија што се однесуваат на периодот помеѓу двете балкански војни и поделбата на Македонија со Букурешкиот договор од 1913 година.

Благој Зашов, поранешен амбасадор на Република Македонија во Романија, засега е единствениот што имал пристап до ваквите документи. Според него, документите откриваат каква била структурата на населението, страдањата што ги трпеле граѓаните како последица на Првата и Втората балканска војна, сѐ до моментот кога Романија влегува во војна против Бугарија.

- Во романските документи Македонците биле претставени како некој ентитет, кој живеел во турската провинција, која Турците ја викале Румелија. Интересно е дека и покрај тоа, сите други, вклучувајќи ги и големите сили како Франција, Британија, во тоа време Австрија, сите ја викале Македонија. Но сепак во истите тие документи пишува дека во Македонија живеат Срби, Бугари и Грци и, се разбира, Власи, кои тие ги викаат Романци. Но во извештаите се наоѓаат и информации што зборуваат за борбата помеѓу Српската православна црква (СПЦ), Бугарската егзархија и Цариградската патријаршија и, во контекст на тоа, со какви насилни методи се служела секоја од нив за да ги натераат Македонците да се определат за една од овие цркви. Во ситуација на сиромаштија, влијанието на црквите било пресудно во нивното определување. Само еден мал дел, интелектуалниот слој во Македонија размислувал малку пошироко и велел дека не се ниту Срби, ниту Грци, ниту Бугари. Но Романците не пишувале многу за интелектуалците во тоа време. Во некои од документите постојат извештаи во кои е нагласено дека конзулите го употребуваат терминот Македонци зашто така се изјаснувало дел од населението, а дел од него се изјаснувало како православни, христијани, Словени или едноставно се изјаснувало како тукашни, од страв да не бидат тепани - вели Зашов во последното интервју за „Нова Македонија“.

Бугарија молчи за понудената спогодба

Властите во Бугарија и по две години не одговараат на забелешките за Спогодбата за добрососедски односи, која како документ е продолжение на Декларацијата за пријателство што пред десетина години ја потпишаа владите на двете земји. Во Декларацијата што ја потпиша поранешниот премиер Љубчо Георгиевски и тогашниот премиер на Бугарија Иван Костов во 1999 година, меѓу другото пишува дека овој документ е потпишан „на македонски јазик според Уставот на РМ“. Дополнително, во Декларацијата пишува дека Македонија нема намера да се меша во внатрешните работи на Бугарија и да се грижи за нејзините државјани што искажуваат различна етнонационална припадност.

Иако ниту македонската ниту бугарската страна никогаш докрај и јавно не кажаа што точно содржат овие документи, сепак се знае дека и во Спогодбата, Бугарија инсистира добрососедските односи да се градат врз основа на фактот дека Бугарија е членка на Европската Унија и на НАТО, а Македонија е земја со стратегиска цел за членство во овие организации. Ова значи дека Бугарија инсистира Македонија да биде обврзана на поцврсти гаранции, кои доколку не бидат исполнети, на Бугарија ќе ѝ овозможат да стави дури и вето за приемот на земјава во НАТО и во Европската Унија.


Бугарија инсистира Македонија да биде обврзана на поцврсти гаранции за да може да ни стави вето во НАТО и во ЕУ

Вељановски во Стразбур побара европски стандарди за етничките малцинства

Претседателот на Собранието, Трајко Вељаноски, во петокот во својот говор на конференцијата на претседателите на европските парламенти во Стразбур, меѓу другото, инсистираше на заштитата на правата на етничките заедници, како „посебно значен индикатор за степен на развојот на демократијата, како и за согласноста со европските стандарди и вредности“ во државите со мултиетнички, мултирелигиозен и мултикултурен состав, каква што е Република Македонија.

- Заштитата на правата на етничките заедници и рамноправноста на етничките заедници кај нас се вградени и имплементирани во Охридскиот рамковен договор, донесен со поддршка на меѓународната заедница. Мора да се има предвид дека правото на зачувување и унапредување на малцинскиот идентитет најчесто може да се практикува на колективна основа. Но во одделни земји-членки на Европската Унија нецелосно се имплементираат одлуките на Европскиот суд за човекови права и не се почитуваат извештаите и препораките на ЕКРИ, комесарот за човекови права на Советот на Европа, специјалниот известувач на Обединетите нации и други меѓународни организации сврзани со признавањето, зачувувањето и развојот на правата и слободите на националните малцинства - констатира Вељановски во својот говор на конференцијата на претседателите на европските парламенти во Стразбур.




Автор: Искра Опетческа

http://novamakedonija.com.mk/NewsDetal.a...anie=22687

Абе тоа наистина ли е професор и наистина ли не знае , че и ние немаме падежи или сето тоа е наметнато за раята ?[/i]
Без Ботев няма България
24-09-2012, 02:10 PM
Reply


Messages In This Thread
RE: Македонските медии за България - by Топорчо - 24-09-2012, 02:10 PM